Bob Dylan vir die Afrikaanse Siel – ’n Aand saam met Koos van der Merwe

“Dis soos om ‘n ou emosie nuut te voel, maar nader, omdat jou eie taal anders en dieper met jou praat. Ek sou dit nooit kon dink nie.”
Dít is wat ’n musiekkenner en verrasde Bob Dylan aanhanger sê van digter en sanger Koos van der Merwe se poëtiese Afrikaanse herskeppings van tydlose Dylan treffers soos Mr. Tambourine Man, Blowing In The Wind, Make You Feel My Love en The Times They Are A Changin’ .

…help my deur die rook verdwyn deur newels van die gees
deur tye lank vergeet, verby blare ysig koud
bome van verskrikte hout, verwaaide strande sout
ver van die wrede klou van gekke smarte
in die sterrelig wil ek kan dans met een hand wat vry kan waai
‘n silhoeet daar in die baai, deur die sirkus-sand omring
met my lot en my geheue deur die golwe weggevee
ja, laat my van vandag vergeet tot môre

hei! meneer die tamboerynman speel ‘n lied vir my…