Meer

Oor ons

Wie ons is

Die Atterbury Teater is ŉ voortreflike ouditorium styl teater wat akoesties optimaal toegerus is. Die teater is ideaal geleë op die hoek van Lynnwoodweg en Daventrystraat in die ooste van Pretoria as deel van die Lynnwood Bridge Retail-ontwikkeling.

Die foyer area het ‘n kroeg waar gaste ‘n drankie kan geniet voor die vertoning terwyl hulle die uitsig oor Pretoria geniet

Die Atterbury Teater het sy deure in 2011 geopen en het oor die laaste 11 jaar al meer as 500 000 mense verwelkom vir ‘n verskeidenheid van opvoerings, musiek en kuns.

Atterbury Teater val onder die vaandel van Atterbury Trust, ‘n welwillendheidsorganisasie wat opvoedkundige-, kuns-, kultuur- en gemeenskaps-inisiatiewe in Suid-Afrika onderneem en ondersteun. Lees meer: atterburytrust.org.

Argitektoniese styl

Die geboë ouditorium troon bo die aangrensende kleinhandelontwikkeling uit en skep sodoende ŉ besonderse landmerk in die ooste van Pretoria. Die teater loop op die grondvloer op ŉ piazza uit waar dit deel uitmaak van die vier afsonderlike kleinhandelgeboue.

ŉ Akoestiese ingenieur het ŉ spesifieke ontwerpmodel gevolg om die vorm, hoogtes, volumes en oppervlakafwerkings van die ouditorium te bepaal.