Elandré het in 2016 met sy tuisvideo van die Bruce Springsteen treffer Tougher Than The Rest sy eerste merk gemaak op sosiale media, en die Afrikaanse-musiekbedryf. Met miljoene trefslae het hierdie in-die-oomblik video gelei tot die Oos-Kaapse kunstenaar se debuut album: Kleindorp-Dromer.

Die soms jeugdig, soms volwasse werk van Elandré word bestempel as vars, onverwags, onvergeetlik, en trots Afrikaans. Aan die hoof van elke lied, musiekvideo, of verhaal is die trefkrag egter steeds sy unieke bariton stem.

Atterbury Teater verwelkom hom vir drie wonderlike aande waar hy sy talent en musiek met almal gaan deel.