In September 2023 sal dit 21 jaar wees sedert Die Melktert Kommissie die eerste Rockspaaider-kompetisie gewen het.
Om dit behoorlik te vier het die groep besluit om spesiale vertonings reg deur 2023 te doen.

“Die Melktert Kommissie was van die eerste optrede af in 2002 een van die grootste vreugdes van my lewe. Dit voel net reg om dit behoorlik te vier met ‘n klomp spesiale shows hierdie jaar,” sê Lucinda (lead vocals en akoestiese kitaar).

Kan jy jou mondigwording onthou? Kom onthou saam met Die Melktert Kommissie en luister na brokkies uit die ou dae gemeng met volroom-rock.